ई काहे कह तारू “बिहार में का बा”
आबऽ देखऽ
बिहार में ताहरे ‘मेहरारू के सरकार बा ,
ताहरा के आगे बढ़े खातिर
स्कूल से कॉलेज तक छात्रवृत्ति के भरमार बा
चुनाव के तऽ छोड़ऽ
सब नौकरियां में तोहनी आधा के हकदार बा
कई से कहऽ तारू “बिहार में का बा “
आवऽ देखऽ
चिकनी सड़क पर दौड़ऽता गाड़ी
गली गली पकिया सड़क के बौछार बा
शहर के तऽ छोड़ऽ
गांव गांव घरे घरे बीजुरी के तार बा
चौबीसों घंटा रहेला बिजुरी
शहर आवे के नाही कनो दरकार बा
तीन ही साल में होखेला ग्रेजुएशन
सभे यूनिवर्सिटी के एक ही गो तार बा
असाध्य रोगन के इलाज खातिर
सरकारी खजाना रहे ला हरदम तैयार बा
गरीबन के बच्चा सभ के पढ़े खातिर
स्टूडेंट क्रेडिट कार्ड हथियार बा
तनी गूगल पर सर्च करिहऽ
IAS/IPS/PCS के रिजल्ट के भरमार बाफेर कईसे कहऽ तारु “बिहार में का बा “
अमित
आवऽ देखऽ
बिहार तनी पिछडल बा कारण
तहरा नियन काबिल हजार बा
बड़ भइलू ऽ बिहार में
आ अब अहिजा से कौनो नाही दकरार बा
जइसन बा आपन बिहार
तहर छलिया महानगर से निक हजार बा
तोहनी काहे हल्ला करऽतारु ओहिजा से
ताहरा के कोनो नाही अधिकार बा
आऽ अब बजिहऽ “बिहार में का बा”
अतुल्य !अनुपम! आपन बिहार बा ।
